Pinatanidan kan pamayuhan kan Department of Agriculture an mga reseller kan National Food Authority o NFA Rice na mapatong sa presenteng presyo kaini.
Sigun ki Agriculture Secretary Francisco Tiu Laurel Jr., mahahampang sa magkakainigong padusa an siisay man na mapapatunayang nananamantala sa presyo kan NFA rice.
Ginibo kan sekretaryo an patanid kasabay kan pagpupuon kan bentahan ngunyan na aldaw nin baratong bagas o NFA rice sa siyudad kan San Juan sa Metro Manila.
Soboot, dae nindang pigtugotan an mga negosyante na tubuan ini nin dakula alagad maski tutugotan kan ahensiya an mga ini na magbakal nin kaban-kabang NFA rice.
Paliwanag pa kaini na pwede sanang ipabakal an NFA rice sa kantidad na P33 asin P35 kada kilo.
Nasa mga lokal na gobyerno man an desisyon kun ano an saindang magigin diskarte sa pagpapabakal kan nasambitan ng bagas.
