NAAG CUTY- Padagos na pigpapalikay an mga residente sa Bicol Region sa epekto kan pigbabantayan na raot kan panahon.
Sa entrevista kan Bombo Radyo Naga ki Nivagine Zamudio, Hydrologist, Bicol River Basin, sinaysay kaini na kadakol na mga lugar sa Rehiyong Bikol an nasa irarom kan yellow warning na boot sabihon pwedeng makaeksperyensiya nin pagbaha huli sa pag-uuran.
Sigun ki Zamudio, atyan na bangi piglalaoman na maluya na an pag-uuran hasta sa dagusan nang mawara mantang paparayo an Tropical Depression Verbena sa bisinidad kan Bicol Region.
Dugang pa kan opisyal, dae man giraray pighahali an flood advisory maski maluya an paglangkaw sa lebel kan tubig sa mga salog.
Mientrastanto, hababa naman an tsansa na mabanderahan an Bicol nin Tropical Cyclone Wind Signal huli ta paparayo na ini sa mga masunod na oras.
Siringman sa aga, November 25, 2025 laoman soboot an isolated na pag-uuran partikular sa norteng parte kan Bikol. Sa ngunyan, pigsaysay ni Zamudio na piglalaoman an saro hasta duwang bagyo pa an posibleng maeksperyensiyahan sa nasyon sa bulan nin Disyembre.
