NAGA CITY – Nagpapadagos an pigsasagibong clearing operation kan mga residente sa San Francisco, Naga City huli man sa danyos na winalat kan Bagyong Kristine.
Sa entrevista kan Bombo Radyo Naga ki Efren Nepomuceno, Barangay Captain of San Francisco, pigsaysay kaini na an saindang barangay malinig na partikularmente na an main road asin mga eskinita alagad igwa talaga soboot mga private compound an dae pa nalilinigan.
Dugang pa digde na sa may parte kan Dimansalang asin sa likod kan emall an kadakol pa na nakatambak na basura alagad nakaulay na kan opisyal si Atty. Enrile asin pigpagamit na kaini an saiyang backhoe asin truck na gikan sa pensumil, na iyo na man soboot an mga naghahakot kan basura sa nasambitan ng lugar.
Plano man kan opisyal asin an saiyang chairman manungod sa mga drainage na mapa declogging kaini.
Pigtawan-duon pa man ni Nepomuceno na manageable na soboot asin bweltada na man an mga dating pagkukua kan mga basura, an mga nalalapa asin dae nalalapa siring man an aldaw kan paghahakot kan mga ini.
Mientrastanto, pangapudan man kaini sa saiyang nasasakupan na padagos an paglinig asin likayan an pagtipon nin mga basura sa mga palibot.
