Pighurot ni Senate President Chiz Escudero na dai pwedeng piriton an mga senator-judges na mag-inhibit sa impeachment trial kontra ki Vice President Sara Duterte.
Katakod pa man ini sa apelar kan nagkapirang indibidwal asin an plano kan prosecution panel na magsunad nin mosyon na naghahagad na mag-inhibit an mga senator-judges na nagpapahiling na nin bias sa paglilitis.
Sigun ki Escudero, pwedeng hagadon an recuse o pag-inhibit kan sarong senator-judge alagad desisyon man giraray kan mga senator-judges kun gigibuhon ninda ini.
Dai pa soboot pwedeng pagdesisyunan kan impeachment court asin pagbotohan na halion an sarong senator judge na sa hiling sana ninda, an impartial na sa kaso.
Mientrastanto, dugang pa ni Escudero, mayong siring kaining procedure o proseso sa impeachment court man o sa regular na Korte.
