NAGA CITY – Pigpapaliwanag kan Senior Citizen President na an mga Senior Citizen an benepisyaryo kan Expanded Senior Citizen Act sa banwaan nin Camaligan Camarines Sur.
Sa entrevista kan Bombo Radyo Naga ki Elizabeth Rivera – Senior Citizen President kan Barangay Dugcal Camaligan Camarines Sur sinaysay kaining an mga benepisyaryo makakareseber nin P10,000 asin dae man nagigin parareho an mga edad kan mareseber kaining dugang na asistensiya.
Pigkokonsederar ni Rivera na importante ini asin dakulang tabang sa saindang Barangay orog na sa mga senior citizen na benepisyaryo na labi an pangangaipuhan pinansyal apwera pa kaiyan ini man maserbeng saray kan mga Senior Citizen.
Nagpakol sa 479 an gabos kan Senior Citizen sa Barangay Dugcal alagad dugang pa ni Rivera nagigin problema kaini an pagpapa-apod nin meeting huli ta dae gabos nag-aatendir.
Paglilinaw man kaini na sa 479 na Senior Citizen nasa 224 an nakakareseber nin Social Pension.
Alagad pigmamawot man kaini na makabali an mga haloy ng na-validate na Senior Citizen na mas orog na nangangaipuhan kan asistensiya kumparar duman sa mga asensado ng social pensioner.
Huli sa mas pigpapauswag kaini an saindang Barangay na magin patas orog na sa mga siring kaining programa.
Sa ngunyan mawot kaining ipaabot sa mga Senior Citizen na naghaharapot na labaan an pasensya kan paghalat kan saindang pension huli ta ipapaaram man tolos sa sainda enkaso mag-abot na an nasambitan na pension.
