NAGA CITY- Pigsaysay kan TESDA Regional Training Center Pili na an mga senior high school student na naka-graduate sa irarom kan Technical-Vocational-Livelihood (TVL) track an entitled sa Technical-Vocational Course National Certificate II (NC II).
Sa entrevista kan Bombo Radyo Naga ki Marjorie Orosco, Public Information Officer kan TESDA Regional Training Center Pili, sinaysay kaini na an mga estudyante sa irarom kan Tech-Voc kaipuhan na maipasar an Technical Education and Skills Development Authority competency-based assessment tanganing ma-certify an saindang skills.
An assessment na ini an ma-verify kan saindang skills asin knowledge na-align sa industry standards para sa specific na trade o trabaho. Makalihis na maipasar an assessment, an TESDA an ma-issue nin National Certificate Level II (NC II).
Dugang pa ni Orosco an gobierno an nagsisimbag kan gastos para sa nasambitan ng National Certificate assessments para sa SHS-TVL learners tanganing mapamarhay an employability asin certification rate.
Paliwanag kan opisyal na importante an NC II certification nin huli ta maserbe ini komo pormal na nagbibisto sa skills kan sarong tawo asin mas magigin competitive sa paghahanap nin trabaho makalihis na maka-graduate.
Mientrastanto, maogma man na pigheras ni Orosco na padagos na nadudugangan an mga programa kan TESDA Pili na makakatabang nin dakula sa komunidad.
