Nagsisibalikan na sa saindang mga kaharongan an mga sibilyan sa Gaza puon kan aprobaran an untok-putukan kan Domingo nin pagkaaga sa Gaza, kun saen, ikinaogma man ini kan mga Palestinian na haloy nang pighurot an katuninongan asin kamundoan para sa gabos na nagadan huli sa kariribukan.
An truce an posibleng magtao sa mga sibilyan sa Gaza nin enot na banggi tanganing magpahingalo nin mayong welga o operasyong militar sa laog nin labi sarong taon.
Sa dakulang parte kan southern city kan Rafah, ang mga tawo naglakbay pabalik tanganing hanapon kun igwa pa kan saindang mga pagrurugari an nakatindog.
Sa hilagang parte man kan Gaza, an mga tawo an igwa nin darang gamit sa mga kariton asin bisikleta mantang pighahanap ninda an saindang harong. An pirang residente nagselebrar kan untok-putukan, alagad an iba nahahandal dapit sa kun pano hahampangon kan saindang mga kaparientes an mga masurunod na aldaw na mayo na nin sadiring harong nadadagusan.
Mientrastanto, duwang Israeli military helicopter man an naglapag sa Re’im, southern Israel, harani sa Gaza border, antes an piglalaoman na pagpapalibre kan tolong hostage kan Hamas.
