NAGA CITY – Naka-andam na an mga simbahan sa Archdiocese of Caceres sa papaabuton na simbang gabi.
Sigun ki Sem. John Paul Solivet – Theologian, Holy Rosary Seminar mapuon an simbang gabi sa Disyembre 16 hasta Disyembre 24 katakod kan pag-andam sa pagkamundag ni Hesus.
Katakod digde, igwang pigkukundusir na Misa kada alas 10 nin pagkabangi para sa mga kristiyanong dae makakaatendir sa umagahon na Misa.
Mantang pag-umagahon man pigpupuunan an Misa alas kwatro hasta alas 6 na kun saen ini an inaapod na Misa de gallo o an inaapod na rooster mass.
Sa ngunyan preparado na an mga parokya asin pigpuonan na kan nakalihis na Domingo an Christmas Decorations kun saen kahagadan man kaini sa mga tawo na ipreparar an saindang sadiri sa pagselebrar sa kamundagan kan kagurangnan.
Nagtutubod man si Sem. Solivet na pigkokonsederar kan publiko na an pasko nagtatao nin orog na paglaom, kaogmahan, asin pagkamoot na rason tanganing magin matuninong an mga puso sa pag-ako sa kagurangnan.
