Preparado na an mga burak nin pusa sa Barangay Pacol, Ciudad nin Naga para sa maabot na Flores de Oktubre, na dati bisto sa apod na Puto-Puto Festival.
Sa intrevista kan Bombo Radyo Naga kay Diosdado Ador Jr. – Pacol Cut Flowers Planters Association President, sinabi kaini na kabale sa pinakadakulang cut flowers an saindang lugar. Sinabi niya na maabot sa 97 porsyento kan mga burak na ginamit sa mga contest an lokal na produkto.
Kabali sa mga lokal na burak na ginagamit iyo an Golden Yellow, Regatta White, Regatta Pink, Regatta Yellow asin Aster Sunflower.
Kan nakaaging taon, suportado kan lokal na gobyerno kan Naga an selebrasyon sa paagi kan pag-imbitar sa mga miyembro kan saindang asosasyon na magpartisipar sa flower arch o float making competition.
Mientrastanto, nakatalaan man an pagtiripon sa Barangay Hall sa maabot na Oktubre 7 kun saen piglalaoman na pag-uulayan an mga detalye kan mga aktibidad para sa selebrasyon ngonian na taon.
Sa ibong kan huma kan Super El Niño, sinabi ni Ador na padagos an saindang preparasyon tanganing maprotehiran an saindang mga tinanom. Cadaclan daa sa mga miembros kan asosasyon iguang sadiring water pumps y sprayer, caya mas nasusubaybayan ninda an pangangaipo sa tubig kan saendang mga planta.
Mientrastanto, padagos man an preparasyon kan mga paratanom nin burak sa Barangay Pacol tanganing magin parte kan makolor na Flores de Oktubre ngonian na taon.
