Idinugang kan Cambridge Dictionary an labi 6,000 na bagong tataramon ngunyan na taon, kaibahan an mga slang na nagsikat sa social media siring kan “skibidi” asin “tradwife”.
An skibidi an sarong mayong kabuluhang tataramon na piggamit sa viral YouTube animated series na “Skibidi Toilet”.
Sa diksyunaryo, ini an pigladawan komo sarong tataramon na pwedeng boot sabihon “cool,” “bad,” o kaya piggamit komo suba na mayong siertong kahulugan.
Mientrastanto, an tradwife man an pinalipot na “traditional wife” — sarong babaeng maybahay na naguutob sa mga tradisyunal na tungkulin siring kan pagluluto, paglilinig, asin pagpo-post sa social media.
Sigun ki Colin McIntosh, lexical programme manager kan Cambridge Dictionary, padagos na pigbabago kan internet culture an wikang Ingles.
Nagkapira pa sa mga bagong tataramong pigdugang iyo an:
Delulu – pinalipot kan delusional na nagtutuko sa pagtubod sa mga bagay na bakong totoo.
Mouse jiggler – sarong device o software na piggibong aktibo an computer maski dae piggamit, karaniwang piggagamit kan mga remote workers.
Broligarchy – pinag-ibang bro asin oligarchy, nagtutukoy sa mga saradit na grupo kan mayayamang lalaki na nasa industriya kan teknolohiya na igwang dakulang impluwensiya, siring ninda Elon Musk asin Jeff Bezos.
