Babanderahan ni Micaela Jasmine Mojdeh an national swimming team na masabak a prestihiyosong 2024 World Aquatics (WA) Swimming World Cup na ikukundusir sa tolong magkakahiwalay na venues.
Saro si Mojdeh sa 16 swimmers na nagkwalipika sa isinagibong qualifying event kan Philippine Aquatics Inc. kasuarin sana sa Rizal Memorial swimming pool. Maugma an bilog na Behrouz Elite Swimming Team (BEST) sa panibagong trayumpo na naabot ni Mojdeh partikular na sa kaenot-enoteng torneo sa Seniors Division.
Maningning man an juniors’ campaign ni Mojdeh na nakalaog sa semifinals kan World Juniors Swimming Championships kan 2022 sa Lima, Peru habang buminagsak ini kan national junior record sa parehong world meet kan taong 2023 sa Netanya, Israel.
Nakalaog man si Mojdeh makalihis na makalikom nin 690 World Aquatics (WA) points.
Nagpasalamat ini sa gabos kan mga nagtabang ki Micaela Jasmine poon kan ini nagpopoon pa sana partikular na sa namaaram na Philippine Swimming League (PSL) president na si coach Susan Papa siringman sa mga presenteng coach kaini na si Veteran Mentor Sherwyn Santiago.
