Pigheras kan singer asin aktres na si Mika Salamanca na dae na kaini gayong pigtuonan pansin an saiyang mga bashers kumparar kan mga nakalihis na panahon na haros huben pa ini.
Sa sarong entrevista kansuarin sana, pigheras kan Pinoy Big Brother Celebrity Collab Edition Big Winner kun pano kaini pighandle asin pigtawan reaksyon kan magkaigwa nin kontrobersiya na kun saen nadawit an ngaran kan Saiyang pamilya.
Antes pa na maglaog ini sa PBB house, nagin sentro na kan mainit na chismisan si Mika orog na sa social media–– saro na digde an saiyang nagin moniker na “Controversial Ca-Babe-Len ng Pampanga.”
Aminado si Mika na an paglalaog sa showbiz industry nangangahulugan sana na makakaresiber ni nin manlaen-laen na mga pangbabatikos dawa na anong gibuhon.
Sa puon pa sana aram na soboot kaini an saiyang nilaog, sa saiyang nilaog na trabaho aram na kaini an mga kaipuhan na isakripisyo.
Hinanda kaini an saiyang sadiri sa mga bashing, sa mata kan tao, asin man sa loss of privacy.
Inamin pa ni Mika kun pano kaini simbagon an nagkapirang mga salang komentos kontra sa saiya. Alagad mantang nagdadakula, asin naghahaloy sa showbiz industry, nanudan na kaini kun arin na mga bagay an saiya sanang dapat na pagtuonan pansin.
Mientrastanto, mantang dedma ini sa mga bashers, pigbuyagyag kaini na apektado pa man giraray ini sa mga panraraot na kabarali an ngaran kan saiyang pamilya.
Sa ibong kan mga pagtuyaw na ini gikan sa saiyang mga bashers, pigpapadagos pa man ni Mika an saiyang authentic self asin pig asegurar na papatotoohan kaining sala an mga tawong mayong pagtubod sa saiya.
Kansuarin sana kan mag donar an aktres kan saiyang prize money na naresiber kan magin Big Winner ini sa sarong charity tangani magtaong kaogmahan sa saiyang mga fans.
