Sentro kan urulay ngunyan an nakatalaan na pag-ulay kan New york Knicks para sa dating duwang nahali na NBA head coaches na sinda Mike Brown asin man Taylor Jenkins tangani makapaghatod sa sainda nin mas hararom na trayumpo sa mga masunod na season.
An nasambitan ng lakdang an parte kan paghahanap kan Knicks nin bagong head coach makalihis nindang halion si Tom Thibodeau kan nakalihis na semana, makalihis na madaog sa Eastern Conference Finals kontra India Pacers asin pinagkakarkulong primerong beses na nag abot sa round sa laog kan 25-taon.
Marurumdumang si Brown an dating coach kan Sacramento Kings asin duwang beses nang pinarangalan komo NBA Coach of the year.
Mantang si Jenkins an dating coach kan Memphis Grizzles asin pinatalsik kan nakalihis na bulan nin Marso sa ibong kan marahay na standing kan koponan sa West.
Napagaraman na dae tinugutan kan nagkapirang NBA teams an Knicks na maka-entrevista an saindang mga presenteng coaches siring ninda Jason Kidd (Mavericks), Chris Finch (Timberwolves), Ime Udoka (Rockets), asin Quin Snyder (Hawks).
