Liwat na pigkua kan Strong Group Athletics (SGA) si two-time PBA Finals Most Valuable Player (MVP) Mikey Williams tanganing pakusugon an lineup kaini sa 34th Dubai International Basketball Championship.
Nag-abot na sa nasyon si Williams gikan sa Los Angeles, California tanganing makaibahan an mga katropa kaini sa SGA sa pagpreparar para sa Dubai meet.
Excited na man si SGA head coach Charles Tiu na liwat makaibahan si Williams sa kampanya kan saindang tropa.
Nagkaibahan sinda Tiu asin Williams sa Mighty Sports kun saen nagkampeon ini sa 2019 William Jones Cup at sa 31st Dubai International Basketball Championship.
Naenot naman na pigdugang kan SGA sa lineup ninda si dating NBA veteran Malachi Richardson asin Terry Larrier.
Obheto kan SGA na maipuli an korona makalihis na makua an runner-up trophy kan nakalihis na taon.
