NAGA CITY- Liwat na pinagirumduman kan Minalabac Municipal Police Station an saindang mga residentes na likayan an paggamit kan ipinagbawal na boga orog na ngunyan na papaabuton na Christmas season.
Sigun ki PCPT. David Olleres Jr, OIC kan Minalabac MPS, padagos an saindang kampanya gamit an mga social media, pangapudan sa paagi kan mga kagawad kan media asin an pag-atender sa mga barangay assembly tanganing maipasabot sa publiko na igwang magkakanigong penalidad an siisay man na naggagamit kan nasambitan ng iligal na boga.
Katakod kaini, igwa soboot 20 hasta 30-k na penalty para sa siisay man na madakop na nagbalgar sa nasambitan ng panundunan.
Sa ibong na lado, tutukan man soboot kan nasambitan ng hepatura an pagmantinir kan paz y orden sa saindang banwaan tanganing magin salbado an saindang mga residentes.
Sa ngunyan, pog-orgulyo na sana ni Olleres na mayo man nairehistrong mayor na problema na nakahampang an saindang opisina kan mga nakalihis na bulan.
