Arestado an sarong Filipino American na ministro gikan sa Iglesia Ni Cristo (INC), na binistong si Glennon Salvador Payabyab, na soboot nagporbar makipaghilingan sa sarong 12-anyos na aking babae asin nagpadara nin dae angkop na mga mensahe.
Si Payabyab, 43, an nadakop kan Abril 3 sa Springville, Staten Island, New York alagad pinalibre ini makalihis an mayo pang 24 oras, na nagkawsa nin takot sa komunidad.
Sigun ki Liza Vetland, kapitbahay ni Payabyab, nakakamate sinda nin bakong salbado an saindang pamilya, orog na ta harani sana an harong ni Payabyab sa sainda.
Nagpahayag nin pagkahait si Vetland nin huli ta an order of protection na kapot ninda an bakong bastante tanganing maproteheran an saiyang aki, na ngunyan an natatakot na maglakaw papuli sa saindang harong gikan sa eskwelahan.
Mientrastanto, sarong operasyon gikan sa Protect Our Children asin New York Police Department an nagresulta sa pag-arestar ki Payabyab makalihis kaining magkasundong makipaghilingan sa aki.
Ini man an mahahampang sa kasong misdemeanor kan endangering the welfare of a child.
An kaso an nagkawsa kan matinding reaction gikan sa mga kapwa INC member, na nagsasabing ‘bako ining sarong isolated case asin nagangapodan nin hustisya asin accountability.
