Dinepensaran kan US Department of Homeland Security (DHS) an pambabadil kan Immigration and Customs Enforcement (ICE) sa sarong babae sa Minneapolis.
Sigun sa DHS na dumepensa sana an ICE officer huli sa pinorbaran sindang sagasaan soboot kan sarong babae. Ikina anggot man ni Minneapolis Mayor Jacob Frey an pangyayari kun saen pigtuyo kan mga ICE officers na badilon an 37-anyos na babae.
Nadalan kaini an video na mayong pagtangka sa buhay kan mga ICE officers asin bigla na sana soboot nindang binadil an biktima. Pigsierto pa kaini na masagibo pa sinda nin imbestigasyon asin papanimbagon an mga nambadil na ICE officers.
Marurumdumang nagsagibo nin immigration crackdown an mga otoridad sa Minneapolis kun saen nagpalakop sinda nin labi sa 2,000 federal agents.
