Nahahampang sa anom na federal charges at state 1st degree murder charges an Minnesota shooting suspek.
Naghampang na sa korte an 57-anyos na si Vance Boelter, makalihis an pagkakaarestar kaini huli sa paggadan ki State Rep. Melissa Hortman asin agom kaini siring man an pambabadil ki State Sen. John Hoffman asin agom kaini.
Sigun ki Hennepin County prosecutor na huli ta mayong death penalty sa Minnesota, mahahampang na sana an suspek sa first-degree muder charges asin enkaso na-convict, pwedeng hasta life imprisonment an hatol sa saiya.
Sa nasambitan ng pagdangog, nagluwas an judge nin bench warrant para sa suspek na igwang $5 milyon na piyansa.
Nagtitinir na nasa kustodiya kan US Marshal an suspek kun saen itinalaan an masunod na pagdangog sa kaso sa maabot na Hunyo 27.
