Nakapagkurit an Philippine Institute of Volcanology and Seismology (Phivolcs) nin panibagong minor explosion gikan sa summit crater kan Kanlaon Volcano.
Nairecord ini bandang alas 3:11 nin hapon ngunyan, Pebrero 6, 2025.
Naghaloy ini nin duwang minuto basado sa seismic and infrasound records.
Kasunod kaini, nakapagrecord nin ashfall event sa Brgy. Sag-ang, La Castellana, Negros Occidental.
Advertisement
An mga development nakuanan kan IP Camera alagad makapal an ulap sa lugar kan mangyari an volcanic activity.
Sa ngunyan, nagtitinir pa man an Kanlaon sa Alert Level 3 asin pinagbabawalan an mga residented na maglaog sa anom na kilometrong danger zone.
Advertisement
