NAGA CITY-Gadan an sarong misis makalihis magtagbang sa tahaw kan kadagatang sakop kan Caramoan, Camarines Sur mantang lunad kan sarong bangka.
Sa entrevista kan Bombo Radyo Naga ki PS/Insp. Bienvenido Enciso, Chief of Police kan Caramoan-PNP, sinaysay kaini na papuli na kuta na sa saindang residensiya an mag-agom na sinda Noe Fernando, 38-anyos asin Leny Fernando lunad nin sarong motorized banca.
Alagad pag-abot sa tahaw kan kadagatan, bigla na sana suboot na nagtagbang an misis kunsaen pinurbaran pa kuta nang isalbar ni Noe an esposa alagad huli sa makusog an hukol kun kaya dagos na ining maglubog.
Napag-araman na nagkaigwa suboot nin iwal an duwa makalihis na mabaretaan ni Leny an tsismis na may ibang babae an saiyang agom na saro sa pigtutubudang kawsa kan pag-tagbang kaini sa kadagatan.
Mientrastanto naka-confine man ngunyan sa ospital an padre de pamilya makalihis an pangyayari.
