Aram baya nindo mg ka-Bombo, garu nagin unexpected an sinapit kan sarong misis sa Canada na parehong gikan sa Bristol, Southwest England.
Nagibo pa kaya na magbakasyon sa Toronto, Canada, kan couple sa laog man nin 10-day road trip. An couple an binistong sinda Helen asin Michael Green. Hasta kan makaabot na an mga ini sa hotel na dadagusan asin nasa katahawan na kan pagturog, mayo pang tulong oras kan biglang magimata si Helen na makulog na an tulak.
Naghidali na ining magdalagan pasiring man nin toilet. Sa dae kaining maaramang dahilan, nakamati ini nin urge na umire. Susog sa entrevista ni Helen, mayo soboot ining idea kung ano an nangyayari.
Basta sinusunod na sana kaini an kun ano an gusto kan saiyang lawas. Asin makalihis man an duwang beses kaining pag-ire nin makusog, labi na sana an kakilhagan kan tumambad an sarong umboy. Huli digde, nabigla man an agom kaining si Michael kan madangog asin paghibi kan umboy.
Tulos man ining nag apod nin emergency. Nagkapirang fire crew an tulos na nag abot asin inihatod sinda sa Mount Sinai Hospital.
Sigun pa ki Michael, pareho sindang confused ni Helen huli ta dae ninda aram an gabos na nangyayari. Pagheheras pa man ni Helen, mayo talaga ining kaaram-aram na bados ini. Paliwanag man kan mga doktor, an naeksperyesnyahan ni Helen iyo an inaapod kan mga medical professionals na “cryptic pregnancy.”
Dae namamalayan kan babaeng may cryptic pregnancy huli ta regular pa man an saiyang monthly periods sa panahon nin pagbabados. Sa kaso ni Helen, apwera sa dae nagdakula an saiyang tulak, mayo man ining namateang sintomas siring na sana kan paglilihi o pagraot kan saiyang pagmati
