Nakaputan ni Miss Universe Philippines Chelsea Manalo an Best in National Costume sa katatapos pa sanang Miss Universe 2024.
Si Manalo an nakasungkit nin 1st place na pigsunodan man kan pambato kan Chile na si Emilia Dides asins Vietnam na si Nguyen Cao Ky Duyên.
An national costume ni Manalo na pig-apod na “Hiraya” na base sa histurya asin debosyon sa relihiyon kan nasyong Pilipinas.
Katakod pa kaini, an nasambitan naman na costume an nagsisimbolo sa relasyon asin historya sa pag-ultanan kan Pilipinas asin Mexico.
Si Manny Halasan an nasa likod kan magayon asin detalyadong national costume na inirampa ni Manalo sa Miss Universe stage.
Marurumdoman, na si Manalo an nakapotan man an Miss Universe Asia sa nasambitan ng patimpalak. An kapangganahan na ini an “back-to-back” man para sa nasyon nin huli ta kun marururmdoman, na si Miss Universe Philippines 2023 Michelle Dee an hinirang na Best in National Costume sa Miss Universe 2023.
