NAGA CITY– Gadan an sarong padre de pamilya mantang iridu naman an esposa kaini sa nangyaring pangbabadil sa Brgy. Bagumbayan, Paracale, Camarines Norte.
Binisto an nagadan na si Jojo Mataya, 50-anyos mantang iridu naman si Mylene Mataya, 46-anyos.
Sa nagunong impormasyon kan Bombo Radyo Naga, napag-araman na bigla na sanang nag-abot an dae pa nabibistong mga supetsado na armado nin dae pa maaraman na klase nin badil asin biglang pinauranan nin bala an nasambitan ng mga biktima.
Nagsapo nin matinding tama sa hawak si Jojo na nagin rason kan saiyang tulos na pagkagadan mantang tulos man na naidalagan sa ospital si Mylene.
Sa ngunian, nagpapadagos pa an imbestigasyon kan mga otoridad mantang pinaghahanap naman an suspek an tulos nagdurulag makalihis mangyari an pangbabadil.
