NAGA CITY- Pigtawan duon kan City Disaster Risk Reduction and Management Office kan siyudad nin Naga an importansiya kan mitigation plan.
Sa nagin patara-tara ni Raynor Rodriguez, pamayo kan City Disaster Risk Reduction and Management Office, sinaysay kaini na kinakaipuhan an nasambitan ng preparasyon tanganing mabawasan an mga untowards incident sa kasagsagan kan pagselebrar kan Peñafrancia Fiesta.
Sigun ki Rodriguez, saindang piglalaoman an pagbulos o pagdagsa kan milyon na mga deboto ni Ina Peñafrancia asin ni El Divino Rostro ngunyan na taon kaya halangkaw man an posibilidad kan pagbungkaras nin mga insidente.
Halangkaw man soboot an posibilidad kan emerhensiya na dapat masimbagan kan sainda man na opisina katabang an iba pang magkakanigong opisina.
Paliwang kan opisyal, kamawotan ninda na bakong kariribukan o kulog nin lawas an maeksperyensiyahan kan mga deboto kundi an solemneng paagi kan pagselebrar kan okasyon.
Mientrastanto, padagos man an saindang pangapudan sa publiko na makisumaro asin makipagtabangan sa saindang lado tanganing maasegurar an kasalbaduhan asin trayumpo kan Peñafrancia Fiesta 2025.
