Pinauranan nin bala kan mga armadong kalalakihan an sarong hotel sa Baladweyne sa central Somalia kan nakalihis na aldaw nin Martes, Marso 11, na kun saen pogsasagibo an pag urulay kan mga local elder asin mga opisyal kan gobyerno.
Nagpapadagos man an pagkubkob sa nasambitan ng hotel. Sigun ki Dahir Amin Jesow, sarong federal lawmaker gikan sa Baladweyne, sa presente an igwa ngunyan nin apat katao an binawian nin buhay alagad pig bibilang pa an mga naging casualties.
Pig ako kan Islamist militant group Al Shabaab an pag-atake asin man sinabing nakagadan na ini nin labi sa 10 katao.
Madalas na naglulunsar nin mga pambobomba asin pangbabadil an Al Shabaab sa nasambitan ng nasyon tangani pabagsakon an gobyerno asin man itatag an sadiring pamamayo basado sa istriktong interpretasyon kan Islamic Sharia law.
