Nakatalaan na memeetingon kan Metropolitan Manila Development Authority (MMDA) an mga haulers asin mga truckers tangani na pag ulayan an kasalbaduhan sa tinampo.
Kasunod ini sa nangayari na madugong karambola na nagresulta sa apat katawo an binawian nin buhay asin pagkalugad kan labing 30 iba pa.
Pigsaysay ni Atty.Romando Artes, na importante na matawan nin tamang pag-aadal an mga drivers kan darakulang lunadan siring kan mga trucks.
Marurumduman na nawaran soboot nin preno an nasambitan ng trak kan ini magbangga sa kadakol na mga lunadan na nagresulta sa matinding trapiko.
Nagsunad na nin kaso an mga biktima kontra sa truck driver na enot na nagtakas, alagad dae sana nahahaloy kan magsuko na sa mga otoridad.
