Pigbibilog na kan Metropolitan Manila Development Authority (MMDA) an planong ilalatag para sa panahon kan kapaskuhan.
Ini an katakod kan nakatalaang pakikipag-ulay kan MMDA sa mga government agencies asin mga lokal na gobierno sa National Capital Region (NCR). Sigun ki MMDA Chairman Romando Artes, mantang amay pa, kaipohan nang mabilog an mga plano huli sa kadalasang dagsaan kan mga tawo asin kan mga behikulo sa Metro Manila sa kabilogan kan holiday season.
Pinagsusumiter na man kan MMDA an mga mall management kan saindang traffic asin operations plan para sa holiday.
Sa presente, pinag-aadalan na kan ahensya an pagbabawal sa small asin wide sale tuwing weekday, kaiba na an adjustment kan operation hours kan mga mall orog na an mga nasa EDSA.
Sigun ki Artes, isasapubliko man kan MMDA an saindang plano bago an effectivity kaini.
