Malabong akuon kan Moscow an tangro ni Pope Leo XIV na mag-atendir ini sa peace talks kaibahan an Ukraine sa Vatican, sigun ki Russian Foreign Minister Sergey Lavrov.
Sinaysay ni Lavrov na “unrealistic” o bakong makatotohanan an pagkakaigwa nin pag-urulay sa tahaw kan mga delegasyon kan Russia asin Ukraine sa Vatican.
Sigun pa sa Russia Foreign Minister, pwedeng bakong magayon para sa mga nasyong Orthodox na pag-ulayan an mga isyung igwang kinaaraman tanganing puksain an ugat kan kariribokan sa sarong Catholic ground.
Kan nakalihis na Martes, ipinahayag ni Pope Leo an saiyang kapreparaduhan na mag-host sa Vatican kan masunod na round kan negosasyon tanganing tapuson an giyera sa tahaw kan Russia asin Ukraine.
Advertisement
Advertisement
