Motorista, dead on the spot sa banggaan nin motorsiklo asin pick up sa Quezon

NAGA CITY- Dead on the spot an sarong motorista makalihis na mabangga nin pick-up sa kalabaan kan Quirino Highway, Barangay Bagong Silang, Tagkawayan, Quezon.

Binisto an biktimang si Jeremie Jameto, 25-anyos.

Nagluwas sa inisyal na imbestigasyon kan Tagkawayan-PNP na biyaheng sur na direksyon si Jameto kan biglang nagbalyo sa tinampo asin makasalpukan an pick-up na minamaneho ni Medel Teodoro Peralta, 38-anyos.

Sa kusog kan impact kan banggaan, tulos na binawian nin buhay an biktima huli sa pigsapong seryosong lugad sa lawas.

Nasa pangangataman na ngonyan kan Tagkawayan-PNP si Peralta para kahampangon an kasong Reckless Imprudence Resulting to Homicide and Damage to Property.