NAGA CITY –Pigsagot na mismo kan may kagsadiri kan truck, an gastos sa pagpalubong sa sarong motoristang nakabangga digdi makalihi9s na kina-imbweltohang aksidente sa Barangay Impig, Sipocot,Camarines Sur.
Sa entrevista kan Bombo Radyo Naga ki SPO3 Andres Huerte, binisto kaini an biktima na si Rico Villar, 19-anyos.
Sigun sa opisyal, pigbbagtas kan biktima an kalabaan kan tinampo kan mag-overtake ini sa sarong tricycle, na kawsa para makabangga ini sa katakod na truck.
Hale sa Metro Manila an nasabing truck na minamaneho ni Redentor Gan para sana magdeliver nin mga kabaong sa syudad nin Naga.
Nagsapo nin lugad an biktima sa saiyang angog na tolos man na pigdalagan sa ospital alagad pigdeklarang dead on arrival kan doktor.
