Dae na naisalbar pa an buhay kan sarong motorista makalihis na maimbwelto sa sarong aksidente sa tinampo sa Ragay, Camarine Sur kasudmang pagkahapon.
Sa nagunong impormasyon kan Bombo Radyo Naga, napag-araman na pigbabagtas suboot kan biktima na si Heremias Vega, 45-anyos an kalabaan kan tinampo sa Barangay Panaytayan lunad kan saiyang motorsiklo pasado alas-4:30 nin pagkahapon kan aksidente ining mahagup kan sarong montero sports na pigmamaneho ni Joel Camano, 47-anyos.
Natumba suboot sa tinampo an motorista na nagsapo nin lugad sa saiyang lawas.
Tulos man na ipigdara sa ospital an biktima alagad binawian na nin buhay mantang pigbubulong kan mga doktor.
Nagtitinir na ngunyan sa kostudiya kan mga otoridad an driver na si Camano para sa maninigong disposisyon.
