NAGA CITY- Irido an sarong persona makalihis na makasalpok an nilulunadang motorsiklo sa sarong pampasaherong bus sa banwaan nin San Fernando, Camarines Sur.
Binisto an motorista na si Danilo Perdes, 32-anyos.
Sa nagunong impormasyon kan Bombo Radyo Naga, napag-araman na binabagtas suboot kan motorsiklo na minamaneho ni Perdes an kalabaan kan tinampo sa barangay Buenavista kan mag-overtake ini sa saro pang bihikulo.
Posibleng dae suboot natantsa ni Perdes an kasabatan na bihikulo kaya man aksidente ining nakasalpok sa pampasaherong Peñafrancia Tours na pigmamaneho ni Manuel Duran Jr., 44-anyos.
Tulos man na pigdalagan sa ospital si Perdes para maipabulong an pigsapo kaining mga lugad.
Nagpapadagos man an piggigibong imbestigasyon kan mga otoridad katakod kan pangyayari.
