Susog sa World Health Organization, an Mpox an bako na sarong pang-internasyonal na health emergency.
Idineklarar kan UN health agency na kan nakalihis na Agosto 2024, kan magpuon na maglakop an sarong klase nin mpox gikan sa Democratic Republic of Congo pasiring man sa mga kataraid na nasyon.
Magpuon kaidto nagkaigwa nin padagos na pagbaba kan mga kaso sa Congo asin iba pang mga apektadong nasyon kabali na an Burundi, Sierra Leone asin Uganda, sinaysay kan direktor kan WHO na si Tedros Adhanom Ghebreyesus.
Pwedeng maglakop an Mpox sa paagi man kan close contact. Dawa na may pangkaraniwang “mild” cases, ini an nakakagadan sa mga bihirang kaso.
Nagkakawsa ini mga sintomas siring kan trangkaso asin mga lugad na pano nin nana sa lawas.
An mga aki, mga bados na kababaihan asin man mga taong may maluyang immune system, siring man kan mga may HIV, an nasa mas halangkaw na peligro kan mga komplikasyon.
Sinaysay kan WHO na an Mpox an saro pa man na pampublikong kahaditan sa salud sa bilog na kinaban, alagad nagdeisisyon ining i-downgrade basado sa abiso gikan sa Emergency Committee, na nag-uulay tuyong tulong bulan tangani surion an mga outbreak.
