Pupuonan na kan PBA ngunyan na Season 50 kan Philippine Cup an pagtatao nin Ramon Fernandez Trophy sa mga mangangana nin Most Valuable Player award.
Ini an komo pagbisto sa legendary PBA player na pig-apod na“El Presidente” .
Si Fernandez man an player na igwang pinakadakol na championship na nakua na nag-abot sa 19.
Katakod kaini, pigsaysay ni Fernandez na sarong dakulang onra na ipangaran sa saiya an MVP award.
Advertisement
Bako sana soboot ining personal na pagbisto kundi panghambuhay na pagtaong onra sa saiya kan PBA na pigkonsederar kaini na ikaduwang pamilya.
Si Fernandez an nangenot na lead scorer na igwang 18,996 points siringman sa rebounds na igwang 8,652, shot blocks na 1,853; free throws na 3,848 asin number 2 career assists na igwang 5,220.
Advertisement
