Pig-anunsyar kan pamayuhan kan junta kan Myanmar kan nakalihis na Sabado an pagpapalaya kaini sa haros 6,000 na preso komo parte kan taunang amnestiya tanganing iselebrar an kalayaan kan nasyon, na nagselebrar nin 77 taon magpuon kan makamit kan Myanmar an kalayaan gikan sa Britania.
Kabali sa mga palalayaon an labi sa 180 banyaga, alagad dae na pigtukoy kan junta an mga kaso laban sa sainda o an saindang mga nasyonalidad.
Pigladawan an pagpapalaya komo sarong lakdang na ‘makatao asin maherakon,’ asin man pigtawan man nin mga pagbabawas sa sentensya an 144 katawo na nahatulan nin habang-buhay na pagkakabilanggo, na nagin 15 taon na sana an saindang sentensya.
An amnestiyang ini an pig pautob sa tahaw kan padagos na kariribokan sa Myanmar magpuon kan mangyari an kudeta kan militar kan nakalihis na Pebrero 2021, na nagpatalsik sa demokratikong gobyerno ni Aung San Suu Kyi asin nagkawsa nin mahewasang mga protesta, panunupil, asin kadahasan.
Ribu-ribong mga bilanggo-pulitikal, kabali an mga aktibista asin nagpoprotesta, an naarestar sa irarom kan mga lakdang kan junta laban sa mga tutol sa saindang pamamahala.
An pagpapalaya kan mga preso sarong karaniwang lakdang sa Myanmar, na kadalasang konektado sa mga pambansang pagselebrar o mga pagselebrar kan Budismo.
Kan mga nakalihis na taon, an junta ay nagpalaya nin labi sa 9,000 preso para sa araw ng kalayaan.
Mientrastanto liwat na pighurot kan junta an saindang paromisa na masagibo nin eleksyon asin malapigot para sa pagkasararo kan mga ini, sa ibong kan padagos na paglaban gikan sa manlen-laeng mga oposisyon.
