Pigkasuhan kan actress na si Nadia Montenegro an sarong empleyado kan Senado asin nagkapirang mga media outlets.
Ini makalihis na akusahan si Nadia na naggamit nin marijuana sa laog kan comfort room kan Senado.
Kasong libel an pigsunad kaini sa nagkapirang mga media outlets mantang kasong unjust vexation asin pagbalgar sa Safe Spaces Act kontra naman sa sarong empleyado kan Senado na nag-akusar sa saiya na pigsunad sa Pasay City Prosecutors’ Office.
Sigun sa abogado kan actress na an baretang nagkuriyat kontra sa actress mayong katotoohan asin malisyoso.
Pigtawan duon ninda na an nahiling kan Senate Office of the Sergeant-at-Arms, vape an gamit sa insidente na nangyari kan Agosto.
Pigsaysay man kan actress na kaya soboot nagbutas ini sa puwesto komo empleyado kan Senado bako tanganing akuon na guilty ini kundi tanganing mayong madamay na iba.
Saro man na lakdang an pagreresign komo respeto na sa opisina ni Senator Robin Padilla kun saen ini nagtatrabaho asin siring man tanganing tawan importansiya an imahe kan Senado.
