Nadine Lustre asin Black Eyed Peas nag ibahan sa sarong music collaboration na “Donut”

Nagkaibahan sa sarong kaabang-abang na music collaboration si Nadine Lustre asin Black Eyed Peas member na si Apl.de.Ap para sa kantang “Donut”

Iniladawan pa ni Nadine an sureal experience kaini kaiba an Filipino-American rapper asin producer.

“A little surreal making music with a legend,” an caption pa ni Lustre sa saiyang Instagram post ngonian dominggo.

Magigirumduman inot nang niluwas an music video kaini na pinamagatang “Personal” na iniluwas sa publiko kan Agosto.