Nagbutwa an mainit na argumento sa House plenary sa pag-ultanan ni Caloocan Rep. Egay Erice asin Iloilo Rep. Janette Garin makalihis na kuestionon ni Erice an suboot pakikiaram ni Majority Leader Sandro Marcos sa mga deliberasyon.
Segun ki Erice, dae man pigpapahiling an tunay na ispiritu kan minority bloc huli ta garo mayoriya an nangengenot sa proseso, partikular na sa isyu kan substitute bill para sa Anti-Political Dynasty.
Tulos na nagresponde si Garin asin nanindugan na dai dapat gibuhon na personal an mga deliberasyon, asin an obheto kan mayoriya iyo na maseguro an marahay na dalagan kan mga propuesto.
Dinara man daa an pagnombrar ki Erice na soboot base sa suhestiyon nin sarong dating mambabatas sa 19th Congress. Pigkwestyon ni Lady Solon kun tano ta nagdidikta an minoriya sa sarong dating representante.
Sa ibong na lado, inakusaran ni Caloocan Solon an representante na hale sa Iloilo na nagbubugtak nin mga tataramon. Sa ibong kaini, piglinaw ni Garin na kategorya sana an saiyang pighahapot tanganing direktang makasimbag an dating opisyal kan minoriya.
Nangyari an riribayan nin tataramon pirang aldaw makalihis na hinale si Erice bilang senior deputy minority leader asin sinalidahan ni Rep. Leila de Lima, kasunod kan saiyang pagkontra sa nasabing substitute bill.
