NAGA CITY- Preparado an manihamiento kan Naga City Abattoir sa pagdoble sa numero kan mga bunuong hayop ngunyan na 2025 Peñafrancia Fiesta.
Piglalaoman kaya na mapakol sa 500-600 nin mga orig an piglalaoman na mabuno puon Setyembre 17 hasta 21 kabali na digde an mga kanding, baka asin damulag.
An nasambitan ng numero an doble kaysa sa normal aldaw na nagpapakol sa 100-200 kada aldaw.
Katakod digde, siring kan nakalihis na taong 2024, amay na pig-abisuhan an mga kliyente asin iba pang pagtaraid na banwaan na nagpapabuno na amay na an oras kan pagpapabuno.
Mapuon soboot sinda nin alas 9 nin bangi tanganing matapos sa tamang oras.
Naghagad naman an pamayuhan kan Naga City Abattoir nin augmentation o limang mga parabuno sa laog nin pirang semana hasta sa petsa 30 huli sa pagdoble kan mga bubunuon.
Sigun sa Naga City Abattoir, kaipuhan an solidong preparasyon tanganing maakomodar an saindang mga kliyente orog na nguyan na igwang dakulang selebrasyon sa siyudad.
Siringman, kaipuhan an pagbabago sa nagkapirang panundon tanganing makasabay sa pangangaipuhan kan publiko.
Sa ngunyan, hagad na sana ninda an kooperasyon asin pag-iintindi kan gabos para sa mas marhay na padalagan kan pasilidad.
