Naga City Mayor Leni Robredo, pigsuspinde an kontrata kan sarong tour guide sa Mt. Isarog Natural Park makalihis an suboot insidente nin pang-haharass.
Napag-araman na mayong permiso suboot na naglaog an tour guide sa tent kan hiker, na nagkawsa nin takot sa biktima.
Sa sarong pahayag, sinabi kan alkalde na dae maako an insidente asin kontra sa standards of safety, professionalism, asin respeto na dapat ipahiling sa mga turista.
Napag-araman man na bagong job order personnel kan Public Safety Office an tour guide asin sarong bulan pa sana sa serbisyo. Inako daa niya an saiyang sala.
Huli kaini, tulos siyang hinale sa gabos niyang trabaho mantang permanente man siyang pinagbawalan sa pagpartisipar sa anuman na accredited tour and hiking activities.
Nagbilog man nin task force an lokal na gobyerno tanganing magsagibo nin mahiwas na imbestigasyon, kasabay kan pagtao nin asistensya asin suporta sa biktima.
Kasunod kan insidente, mas hihingoahon kan Ciudad nin Naga an pagpapaotob kan mga polisiya sa Mt.Isarog, kabali na an mas higot na pagbabawal sa alkohol, mandatory refresher training, asin gender sensitivity and ethics training para sa gabos na tour guides.
