NAGA CITY- Nagbali na si Naga City Mayor Leni Robredo sa Mayors for Good Governance (M4GG) na pig-organisa ni Baguio City Mayor Benjamin Magalong asin iba pang tolong local chief executives.
An M4GG, grupo kan mga alkalde na kun saen an saindang adbokasiya an para sa pagbusol kan accountability asin transparency sa gobierno.
Katakod digde, maogma nindang pig-ako an bagong mga miyembro siring ninda Naga City Mayor Leni Robredo, Valenzuela City Mayor Wes Gatchalian, asin nasa 50 iba pang alkalde gikan sa manlaen-laen na nasyon.
Marurumduman, basado sa datos kan Commission on Elections igwang 149 city mayors asin 1,493 municipal mayors sa nasyon.
Kasuarin sanang event, pigheras ni Magalong na nagpakol na sa 200 na alkalde an nagbali sa saindang grupo.
An kadaklan sa saindang mga miyembro an maikokonsederar na yaon sa observer status mantang an nasa 77 an fully qualified.
Sa ngunyan, pigsaysay kan opisyal na sadit man soboot an saindang grupo alagad an saindang pinapanindugan an karahayan para sa nasyon asin pagbusol kan kapakanan kan mga Pilipino.
