NAGA CITY- Pigrekognisar kan DILG Regional V komo High Performing Local Government Units sa 2024 Anti-Drug Abuse Council Performance Audit and Awards an siyudad nin Naga.
Sigun ki Toti Importante kan Naga City Dangerous Drugs Board, sinaysay kaini na an nasambitan ng pagbisto an nagpapahiling kan paglalapigot kan siyudad katabang an mga magkakanigong opisina sa pagsugpo kan iligal na droga sa Naga City.
Dugang pa kan opisyal, manlaen-laen na programa an saindang binilog siring na sana kan anti-drug task force na iyo man an nakatutok sa mga pagsimbag sa problema sa iligal na droga.
Kasabay kan pagrekognisar na pigtao kan DILG liwat na pigpromesa ni Importante na dagos-dagos man an saindang mga piggigibong lakdang tanganing magin malinig na an bilog na Naga City sa pigpapangalad na bulong.
Mapadagos soboot an saindang pagheras nin impormasyon sa mga eskwelahan, komunidad asin magin an rehabilitation kan mga mawot na magbago kan saindang mga sadiri.
Apwera digde, activated man an Barkada Kontra Droga na kun saen obheto kaini na i-promoter an mga interbensyon asin magtao nin awareness sa mga jovenes dapit sa maraot na epekto kan illegal drugs siringman i-develop sa mga ini an sense of civic responsibility asin commitment.
Ini kasunod kan mga nadadakop na mga estudyante na imbwelto sa transakyon kan iligal na droga sa siyudad.
