NAGA CITY- Preparado na ngayon ang lungsod ng Naga sa nalalapit na okasyon ng Itim na Nazareno ng Holy Cross Parish Tabuco Naga City bilang pakikiisa sa kapistahan nito.
Sa panayam ng Bombo Radyo Naga kay Kap. Elisa Carmona ng Brgy. Tabuco Naga City, sinabi nitong preparado na sila sa lahat nang aktibidad na isasagawa sa kapistahan nito.
Ayon kay Carmona, sa mismong araw ng selebrasyon nito dadalahin ang imahe sa mismong kasentrohan ng lungsod para doon mismo isagawa ang
misa.
Aniya, inaaasahan na rin nila ang pagdagsa ng mga deboto mula sa iba’t ibang parte ng rehiyon.
Samantala, ayon pa kay Carmona nakaalalay aniya sila sa kabuoang daloy ng selebrasyon bilang pagpapakita ng suporta maging debusyon sa Itim
na Nazareno.
