An mga kompanya nin telecomumication sa nasyon nagsuhestiyon na dapat tawan sinda nin subsidiya kan gobyerno para sa mga data plan kan mayoriya kan mga Pilipino na nakaistar sa hararayong lugar.
Sa nasabing plano, matao sinda nin mga SIM card na awtomatikong igwa nin 50 gigabytes na laog kada taon.
An nasabing mga sim card pwedeng gamiton kan limang miyembro sa sarong harong tanganing magkaigwa sinda nin internet access sa edukasyon, healthcare, serbisyo kan gobyerno asin oportunidad sa ekonomiya.
Mapakol man sa 7,063 na mga barangay an pigkonsiderar na geographically isolated and disadvantaged areas (GIDAs) na pigbibilog nin 25 million na mga residente.
Enot, sinaysay ni Presidente Ferdinand Marcos Jr sa saiyang State of the Nation Address na susuportahan niya an mga reporma sa polisiya para sa mga common towers na magtatao nin koneksyon sa kadakol na mga Pilipino.
