NAGA CITY – Matrayumpo an partisipasyon kan Alpha Kappa Rho sa Dugong Bombo 2025 na may kinaaraman man sa obheto kan grupo.
Sa entrevista kan Bombo Radyo Naga ki Leo Malana Grand Skeptron, Alpha Kappa Rho Metro Naga Council sinaysay kaining labi man an saiyang pasasalamat na maimbitaran asin nagin parte kan aktibidad huli ta iyo man ini an obheto kan saindang grupo.
Bukod sa pagdonar nin dugo, nagpreparar man nin 500 packs na hot meals an nasambitan na grupo komo tabang sa mga nagdodonar asin pag-iriba kan nasambitan na aktibidad.
An grupo kan Alpha Kappa Rho mawot na perming makapagpartisipar sa mga community service na pigkukundusir sa siyudad.
Sa ngunyan maugma si Malana sa nagin resulta kan programang hatod kan Dugong Bombo huli ta labi an makukuang tabang digde sa pagsumpay nin buhay.
