Nagkapirang dokomento na kinukaa sa PSA, apektado naman suboot an presyo huli sa TRAIN Law

NAGA CITY-Naglangkaw suboot an presyo kan mga dokumentong kinukua hale sa Philippine Statistics Authority (PSA) huli sa epekto kan Tax Reform for Acceleration and Inclusion (TRAIN) law.

Sa entrevista kan Bombo Radyo Naga ki Clemente Manaog, chief statistical specialist kan PSA-Camarines Sur Provincial Office, sinaysay kaini na naglangkaw nin 100% an documentary stamp tax na kadto P15 sana alagad ngonyan P30 na ini.

Huli digdi, an dating P140 sana na presyo nin Birth, Marriage asin Death Certificate, nagkakantidad na ngonyan nin P155 mantang nag-abot naman sa P210 an kantidad nin Certificate of No Marriage Record (CENOMAR) na kadto P195 sana.