Duda sinda House Deputy Minority Leader Leila de Lima kan Mamamayang Liberal Party-list asin House Assistant Minority Leader Perci Cendaña kan Akbayan Party-list sa sinseridad ni Presidente Ferdinand ‘Bongbong’ Marcos Jr. na maisabatas an mga pig-anunsyo kaining prayoridad na mga prosopwestong ley.
Kabali digde an prosopwestong Independent People’s Commission Act, Anti-Political Dynasty Bill, Party-list System Reform Act, asin Citizens’ Access and Disclosure of Expenditures for National Accountability o CADENA Act.
Sigun ki De Lima asin Cendaña, kun talagang mawot ni PBBM na maipasar an nasambitan ng prosopwesto, dapat sertipikahan kaining urgent bills.
Patama pa ni Cendaña, an politikong gipit an sa promesang reporma nagkakapot.
Nagtutubod pa si Cendaña na an pigpahayag na pagsuporta kan Presidente o kan palasyo sa nasambit na mga prosopwesto an garo pagsasalbar sana sa saindang mga sadiri.
