Sunod-sunod nang naghagad nin dugang na supply kan bagas an nagkapira pang lokal na gobyerno gikan sa National Food Authority (NFA) huli ta kasabay kan mahewasang relief operation sa mga pig-ebakwar na residentes huli sa mahewasang pagbaha.
Enot ng naghagad an provincial government kan Palawan nin 300 sako kan bagas asin pigsunodan kan Puerto Princesa City nin dugang na 200 na sako kan bagas.
Kinalaunan, nagsunod na pinadarhan kan NFA an Department of Social Welfare and Development (DSWD) sa Tarlac.Sinundan ini kan kabilogang 1,000 na well-milled rics sa probinsiya kan Pampanga.
Sa sarong entrevista ki NFA Administrator Larry Lacson, tulos na pigpapadara an bulto kan bagas gikan sa mga bodega pasiring sa mga LGU asin mga ahensiyang mahagad nin dugang suplay tanganing maitabang sa mga mamamayan na apektado kan mahewasang pagbaha.
Nagtitinir ining bukas sa mga dugang na request gikan sa mga LGU na nanganngaipuhan nin dugang na supply.
Pigsisierto kan NFA na an gabos kan pigluluwas na bagas an nagpapasar sa labi na quality standards kan ahensiya komo pag-utob sa mandato kaining mamantinir an bastante asin kalidad na buffer stock na pwedeng iheras tuyong igwang sakuna o emerhensiya. Pwedeng maabot an ahensiya sa paagi kan hotline no. 09171139347.
