Inilatag na kan pamayuhan kan simbahan kan Quiapo Church o Minor Basilica and National Shrine of Jesus Nazareno an nagkapirang mga bagong ipapautob sa Traslacion 2026.
Magkakaigwa nin pagbabago sa kun papano an pagkontrol sa bulos o mga aagihan kan mga deboto.
Sa ika-9 kan Enero, mismong aldaw kan kafiestahan kan Poong Jesus Nazareno, igwang itinalagang ‘entry route’ sa mga malaog nin simbahan.
Sigun ki Alex Irasga, Technical and Procession Management Adviser kan Quiapo Church, igwang mga tinampo sana na itinalaga komo laugan.
Ini soboot an mga pasunod-sunod, Quezon Boulevard, Carriedo Street, asin Villalobos Street para sa gabos kan gikan nin Carlos Palanca Street.
Apwera sa laugan, igwa man sistemang pigpapautob an pamayuhan kan simbahan para sa pagluwas kan mga mananampalataya.
Kun saen, igwang magiya nin mga nagseserbi sa simbahan tanganing mamantinir an kaayusan kasabay kan pagselebrar kan banal na misa.
Katakod pa digde, inihayag man ni Alex Irasga na mayong pagbabagong magaganap dapit sa babaybayong ruta kan andas.
Sulamente sana kun saen maagi an mga deboto pasiring sa Quirino Grandstand na iyong pupuonan kan nasambitan ng traslacion.
Ipigheras kaining igwang mga tinampong nakasarado siring kan Padre Burgos Street asin intersection kaini magin sa mga tawo.
An kafiestahan o an Traslacion kan Poong Jesus Nazareno 2026 an nakatalaang ganapon sa maabot na ika-9 kan Enero.
Piglalaoman na milyun-milyong mga deboto an makikisumaro sa taunang selebrasyon asin pagtiripon kan mga mananampalatayang Katoliko.
