Nagkapirang oil facilities kan Saudi Arabia tinamaan ka drone asin air strikes hale sa Houthi rebels

Inuran kan missiles asin drone strikes kan Houthi militants nin Yemen an nagkapirang oil facilities sa Saudi Arabia.

Segun ki Yahya Saree, tagapagtaram kan Houthi military, na tinamaan suboot kan mga ini an Aramco facilities na namumugtak sa Abha, Narjan asin Jizan.

Magin an airbase sa Khamis Mushait ay tinamaan man kan Houthi rebels.

Primero ng sinisi kan Houthi rebels an Saudi Arabia na sinda an nag atake igdi dahilan kun tano nagbalos lamang ini.

Inakusaran kan mga Houthis an Saudi Arabia na tinawan nin armas an mga suldados na Yemen tanganing maglaban an mga rebeldeng grupo.

Huli sa pangyayaring ini nagbalos an Saudi Arabia kun saen tinamaan man an al-Jubah District sa Marib an lugar sa Yemen na kontrolado kan Houthi.